DOCUMENTAL SOBRE A GUARDA (c.1989)

Coa presentación desta gravación dun documental sobre o Concello da Guarda poñemos punto final á mostra do Fondo Xabi Lomba. Es documental foi gravado dunha emisión de Canal50 e ten moitos indicadores de que foi unha obra videográfica para facer publicidade das pontencialidades da Guarda.

Proxecto Socheo está moi agradecido pola colaboración e que confiase en nós para mostrar este material. Aproveitamos a ocasión para reiterar un novo convite á veciñanza da Guarda e da bisbarra para dar a coñecer posibeis materiais audiovisuais que poden ficar polas casas.

BANDAS NA FESTA DO MONTE (2014)

Panorámica de entrefachos no que se asentan varias bandas para facer a súas xuras. Podense ver imaxes dos da Corea, dos do Pe do Monte e da Desfeita.

DESFILE DA FESTA DO MONTE (1982)

Chegamos ao final do Fondo Milo Valterra con este espectacular documento sobre o Desfile da Festa do Monte do ano 1982. Aparecen grupos de música tradicional e bandas como a Negra, Os Perdidos, o Mau Mau, Roja, Os Naranjitos… Imperdible! Gracias a Emilio Baz Lomba por todo.

OS MAU MAU NA FESTA DO MONTE (1981)

Filme que segue á Banda do Mau Mau tanto no desfile como na romaría da Festa do Monte da Guarda do ano 1981. O Mau Mau era unha taberna situada perto do Concello e que os seus parroquianos decidiron formar unha banda mariñeira que se atopa entre as máis antigas.

A BANDA ROJA NO DESFILE DA FESTA DO MONTE (1981)

A Banda Roja no Desfile da Festa do Monte do ano 1981. Últimos metros do percorrido da Banda Roja xusto antes de chegar ao final do porto. E coa curiosidade de que teñen un toque distinto ao actual.

OS PERDIDOS NA ROMARÍA DA FESTA DO MONTE (1981)

Segunda parte do filme sobre Os Perdidos, desta vez síguese á banda verde o domingo do Monte, pola romaría e a troulada. Estas imaxes pertencen ao Fondo Valterra e poden verse grazas á vontade e a colaboración de Emilio Baz Lomba.

Se ti tamén tes este tipo de películas (en Super 8 ou en vídeo) E queres colaborar ponte en contacto: proxectosocheo@gmail.com

OS PERDIDOS NO DESFILE DA FESTA DO MONTE (1981)

Proxecto Socheo dá a coñecer este filme do Fondo Valterra onde se fai un monográfico sobre a Banda dos Perdidos durante o Desfile da Festa do Monte no ano 1981.

A FESTA DO MONTE COMEZA EN PROXECTO SOCHEO

Esta semana comeza a Festa do Monte en Proxecto Socheo. Haberá moitas sorpresas. Até a segunda semana de agosto iremos subindo novas e espectaculares incorporacións.

Todos os vídeos subidos até o de agora podes atopalos na seguinte lista de reprodución. Lembra que podes aportar os teu videos, da igual que sexa feito en Super8 ou cun mobil. Contacta e colabora: proxectosocheo@gmail.com

SANTA TREGA: HISTORIA E ROMARÍA

 

O programa relixioso da TVG “Polo camiño da fE” dedicoulle no 2014 un especial ao culto de Santa Trega: “Santa Trega, historia e romaría”. Co párroco Don Xesús García Villadóniga e o historiador Xoan Tamuxe.

 

 

AIRES DA GUARDA (1958)

“Aires de mi tierra” é unha curtametraxe en cor do ano 1958, dirixida por Alberto Conde. Unha produción realizada ao abeiro do NODO onde se da conta do regreso dun emigrado a Galicia. Na viaxe por Galicia enfía distintos sitios emblemáticos, tamén da Guarda, onde destaca a cima e as vistas desde o Trega.