Película na que se da conta da romería da Festa do Monte na edición do ano 1977. Laxeiro segue a Banda do Mau Mau da que é compoñente. Podemos ver a xura dos Perdidos, o xantar e parte da desfeita. Como curiosidade a película ten un forte contraste, na primeira parte do día temos unha néboa moi mesta e á hora do xantar sae o sol.
Paseo dunha nai e o seu fillo poas rúas da Guarda especialmente pola Alameda no Domingo de Ramos de 1976. Neste video pódese ver a situación de ese espazo de ocio: a organización das árbores, o chan, a fonte…
Paseo polas alturas do Trega visitando os cumios de San Francisco e O Facho. Pero o máis incrible desta película é recoller a visita á Pedra Furada. Desde todos estes sitios podemos observar os fermosos paisaxes da contorna.
Viaxe á capital da rexión do Minho. Cidade moi perto da Guarda, na foz do río Limia. A viaxe fixáronna en coche. Concretamente os turistas subiron ao monte onde está o Santuario de Santa Lucía de onde se contempla a cidade e toda a desembocadura. Como curiosidade coinciden con outra xente onde tamén teñen unha cámara de Súper 8.
Unha das películas familiares máis completas sobre a Festa do Monte, concretamente sobre a edición de 1978. A habilidade de Laxeiro é condensar o Desfile do sábado, a subida ao Monte, o xantar e a merenda da romería e a Desfeita. Nada máis que dicir… Disfruten!
Película onde se recolle a procesión de Domingo de Ramos coa que da comezo á Semana Santa na Guarda. Costume relixiosa moi concurrida por nenos e nenas que erguen as súas palmas e os seus laureis. Como singularidad no comezo aparece Don Jesús bendicindo os ramos.
En 1979 produciuse unha movilización da sociedade guardesa en desfensa da flota guardesa e as súas arelas de faenar nos caladoiros próximos á costa de Marrocos. Toda a poboación da Guarda foi consciente do que se xogaba a Guarda nesta demanda. A manifestación decorreu entre a vía do Porto e a Alameda da Guarda. Nela déronse cita mariñeiros e familias que demandaban que lle puxeran solución as demandas do colectivo.
José Antonio González Pacheco, máis coñecido como Laxeiro, é un mariñeiro que se dedicou a filmar cunha cámara de Super 8 cando estaba en terra. A singularidade do cinema familiar na Guarda é que o oficio que experimentou maior atracción sobre o cinema familiar foi o mariñeiro. Laxeiro é una mostra paradigmática da especial relación que tiveron os homes do mar da Guarda co mundo das imaxes.
Nos poucos periodos que lle podía dedicar ao ocio, Laxeiro valeuse da cámara para retratar os aspectos familiares máis senlleiros: Festa do Monte, procesións, viaxes, bodas… Toda una serie de lugares aos que, comunmente, chegaba ao cinema.
A cronoloxía hai que situala desde 1978 e 1983 polo que temos una serie de películas que vemos que se repiten noutras mostras que xa recalaron en Proxecto Socheo. Dito isto, tódolos filmes de Laxeiro transmiten una extraña familiaridade, de espacios e eventos coñecidos. A parte disto estamos a falar dun período temporal no que proliferon as cámaras polas rúas da Guarda.
Para finalizar gustaríamos destacar a película máis sobranceira de Laxeiro que é na que retrata a manifestación que houbo na Guarda no ano 1979, en defensa da flota pesquera que faenaba en Marrocos.
Proxecto Socheo 