Neste filme Raúl González documenta unha visita institucional ao territorio para facer un estudio in situ das posibilidades de urbanizar a zona. Concretamente estas imaxes corresponde a zona do remate da actual rúa Fernández Albor e os arredores da fonte de Santa Catalina, debaixo da Canteira da Cruzada. Na visita tamén aparece Ligero e algunha otra persona que poden ser arquitectos ou veciños.
Imaxes do Fondo Ramón Martínez. Nelas faise unha panorámica do porto da Guarda desde a estrada de circunvalación na altura da Cruzada, ao carón do Palomar.
De barrio é o título da película dirixida por Xurxo Chirro que se vai estrear no FICX (Festival Internacional de Cine de Xixón) e no Festival Internacional de Cine de Mar del Plata en Arxentina. Este é un proxecto que se puido concretar grazas á colaboración entre as asociacións Proxecto Socheo, da Guarda, e O Faiado da Memoria, de Vilagarcía de Arousa.
Despois de moitas tentativas Xurxo Chirro foi quen de materializar un proxecto que tiña en mente desde o inicio da súa traxectoria cinematográfica. A idea era facer un filme sobre o barrio da Cruzada, un enorme fresco sobre o lugar onde naceu e se criou. Mais sempre cando se aproximaba a este territorio sentimental as cousas mudaban. Foi acumulando material sen atinar coa súa vertebración. Finalmente o fío condutor foi unha veciña maior, Benedicta Rodríguez Sobrino, que coas súas lembranzas convértese nunha metáfora do propio barrio onde xa só quedan lembranzas do que foi.
Segundo as intención de Xurxo Chirro: “Cando creces nun lugar estableces unha serie de vinculacións identitarias que se van potenciando segundo as vivencias. Cando te ausentas durante moito tempo e regresas se produce unha fractura. As cousas xa non son como antes. Todo cambiou: o progreso transformou as maneiras de vivir, a maioría da xente maior que coñecías morreu, as casas destruíronse… Agora xa so queda memoria, unha memoria fráxil que intenta que as túas lembranzas non se oculten definitivamente na néboa que supón o paso do tempo”.
Desde Proxecto Socheo queremos agradecer a toda a xente que amosou a súa disposición favorable para que o proxecto se materializase. Asemade, tamén quere sinalar que esta película é unha homenaxe a todos os veciños e veciñas da Cruzada tanto de hoxe como do pasado porque foron eles quen o viven e o viviron participando da construción dunha comunidade cunha idiosincrasia moi definida.
Sabes onde queda As Peneiras?
Rematamos aquí a experiencia piloto na que dar conta da barrioteka da Cruzada. Videocartografía ao servizo do patrimonio inmaterial dunha comunidade. Agardamos continuala nun futuro e, por que non, facela con outros barrios da Guarda.
Queres saber onde está unha das poucas eiras que se conservan na Guarda? Espazo a protexer, espazo de labranza nas proximidades do porto.
Outra vez a Casa da Tía Elvira… “Da vida perdurable, Amén”.
Queres coñecer a casa da Tía Elvira e a súa historia de cando veo do Brasil?
Sabedes onde está a Fonte dos Chanfreiros?
Seguimos coa Barrioteka da Cruzada. Desta vez visitamos o calexón dos Teares, do Músico e os Alcielo.
A barrioteka da Cruzada atende ao lugar onde estaba a taberna do Tío Bilaro nos Teares, ao final da Roda.
Proxecto Socheo 