Arquivo da categoría: A Guarda

Proxecto Socheo proxectará varios filmes na Filmoteca Española

filmoteca

A Guarda ensinarase en Madrid. Será o 22 de outubro, no Cine Doré, sede da Filmoteca. Proxectaranse varios filmes recuperados por Proxecto Socheo formarán parte dun programa organizado pola Red de Cine Doméstico Española.

Dentro da celebración do Mes del Archivo a Filmoteca Española convidou a Red de Cine Doméstico de España a presentarse e a ensinar o traballo dos seus membros. Hai que lembrar que Proxecto Socheo foi socio fundador desta asociación estatal que vela pola recuperación, restauración e estudio de filmes feitos nun ámbito familiar.

Desde Proxecto Socheo estamos encantados de que se poda visibilizar o noso traballo e damos as gracias aos propietarios dos filmes por ceder o seu permiso para a proxección.

O traballo da Red de Cine Doméstico se pode ver na seguinte páxina http://www.lareddelcinedomestico.com

Advertisements

TARDE DE INVERNO NA PRAIA DOS MUÍÑOS (1976)

Cuarta entrega do Fondo Bixurro e nela podemos ver unha escena familiar (con continuos desenfoques) no aparcamento da praia dos Muíños e cun resol propio dunha tarde de inverno. Os rapaces teñen moitos xoguetes, será o Día de Reis?

Cámaras de Super 8 nos Desfiles do Monte

Noutras ocasións xa nos tíñamos decatado: o abondoso número de cámaras de Súper 8 que intentaban inmortalizar o Desfile da Festa do Monte. Pero quizais, sexa co filme de Desfile da Festa do Monte (1978) do Fondo Bixurro onde máis cámaras de cinema doméstico aparecen. Deste xeito, moitas veces a nosa mirada vai alén do que acontece no centro do plano e moitas veces vai parar ao que aparece polos laterais. A modo de conclusión podemos dicir que esta cita festiva da Guarda congregaba a moitos cineastas afeccionados, sobre todo desde os anos que van desde o 1976 ao 1981, período de gran esplendor do formato.

tokio00045

tokio00046

 

 

Anselmo Martínez identifica parte da rapazada que sae nas fotos de Elisofon

foto 10a

Reproducimos unha entrada do FB de Anselmo Martínez Pena onde identifica a maior parte dos membros da foto #10 de Eliot Elisofon.

“Naquel tempo, todos ou case todos tiñamos o noso alcume e era a referencia máis usual para recoñecer a alguén. O que non tiña alcume particular era coñecido como: “Fillo de + (alcume familiar)”. Por iso é polo que acompañei aos nomes o alcume para mellor identificación pola xente da mesma idade máis menos.
1.- Emilio Vicente Lomba (Verdura)
2.- José Baz Lomba (Pazó)
3.- Vicente Baz Vicente (Conexo)
4.- Jesús Verde Castro (Chuicho)
5.- Jesús Vicente Lomba (Chicho) ??
6.- Antonio Pacheco (Ñito)
7.- Bernardo Cividanes (Birotes)
8.- Benito Cividanes (Marraxo)
9.- Manuel Baz Castro (Nortallo)
10.- Luis Martínez Alonso (Lí)
11.- Benito Lomba Lomba (Binitola)
12.- José Luis Lomba Alonso (Salero)
13.- Antonio Lomba Alonso (Salero)
14.- Luis Baz González (Parra)
15.- ¿. . .?
16.- Jesús Vicente Cadilla (Dejolado)

Poida que algún segundo apelido non sexa certeiro. As fontes de información xa fallan na memoria. Pídese que colaboredes para recoñecer a todos deste grupo certeiramente. Gracias”.