O Museo Centro Gaiás da Cidade da Cultura, en Santiago de Compostela, acolle ata o cinco de novembro a exposición Nicolás Muller. Vento Norte no seu terceiro andar.
Muller foi un destacado fotógrafo nado en Hungria no 1913 e falecido en Asturias 2000 que se asentou por moitos anos en Madrid e que, entre os seus traballos, realizou viaxes reollendo coa súa cámara paisaxes e xente traballadora de Euskadi, Francia, Marrocos ou Galicia.
A mostra é unha escolma procedente de 131 imaxes, pertencentes ao Museo de Bellas Artes de Asturias, o Fondo Ana Muller e o Archivo Regional de la Comunidad de Madrid que comeza, como non podía ser doutro xeito, coas galegas e, en concreto, cunha serie que a exposición localiza na Guarda nos anos 60.
Sen embargo, e trala ilusión inicial por ver o topónimo da vila chega a decepción. Por máis que tentamos situar esas fotografías mariñeiras na Guarda, non damos feito e chega a sospeita, compartida polos distintos membros do Proxecto Socheo, de que houbo algún tipo de erro e que esas imaxes de mulleres traballando e homes no palangre foron tomadas sen dúbida en Galicia, pero non na Ribeira ou A Mariña.
Algún erro na catalogación ou custodia nos anos que transcorriron dende que se tiraron? Un descoido por parte de Nicolás Muller ou da súa filla Ana? Non sabemos.
Pode que efectivamente Nicolas Muller estivese na Guarda no seu día pero, desgraciadamente, entre as imaxes seleccionadas na mostra, esa presenza non deixou pegada.
Proxecto Socheo 