Non podía faltar unha película filmando as vistas desde o monte Trega. Vistas tomadas desde o Pico do Facho e onde recolle o porto, a vila, Salcidos e a ribeira do Miño.
Arquivo por etiquetas: Porto
VISITA A OBRAS EN MAZARACOS (FINAIS ANOS 70)
Filme de Raúl González onde vemos como a comitiva gubernamental vai a visitar as obras que se están a realizar na zona de Mazaracos ou cerca da antiga Punta Xenete. Na visita vemos como hai tempo para reflectir unha obra que se está a facer co colector de augas residuais de Mazaracos de do barrio de Rubadavila e tamén como recolle o tránsito de embarcacións na boca do porto da Guarda. Así, a contraluz, do sol da tarde onde fai cincilear as ondas do mar vemos como unha gamela a vela intérnase no porto da Guarda.
APRENDENDO A ANDAR EN BICICLETA NO PORTO DA GUARDA (1973)
Unhas nenas están aprendendo a andar en bicicleta pola vía do porto da Guarda. Unha delas parece que ten a bicicleta desde hai pouco e está montando unha bicicleta amarela con rodiñas. Dan voltas polo que o cámara recolle como estaba as instalacións portuarias, retrata a típica vista da Guarda e tamén se detén en mostrar o Trega e o barrio da Cruzada.
Homenaxe ao Club de Remo Robaleira da Guarda
Vídeo-clip feito sobre o himno do C. R. Robaleira. Unha canción composta por Anxo Baz e interpretada polo cantautor guardés Tino Baz co gallo da celebración do 25 aniversario da súa fundación (1989-2014). As imaxes foron recollidas de vídeos colgados en Youtube polo que agradecemos a todos os seus autores. Un documentos que axudaron e moito en facer un sentido homenaxe á traxectoria desta institución deportiva guardesa.
Parabéns Robaleira!
Pola Guarda (1969)
Novo tesouro do Proxecto Socheo extraído dun NO-DO. Fragmento do noticiario “Por las Rías Bajas” de 80 metros realizado por los operadores J. M. de la Chica e Carlos Rodríguez. Concretamente forma parte da sección “Páginas en color” do noticiario 1446-A que se proxectou por primeira vez o 21-09-1970.
Comparativa de dúas descargas de sardiñas con corenta anos polo medio
Outra vía de traballo no Proxecto Socheo. Poñemos en colisión dúas películas que tratan o mesmo tema, a descarga de sardiñas no porto da Guarda, e que teñen unha diferencia de 40 anos. Con este diálogo aparecen significados e novas apreciacións altamente enriquecedoras para o usuario de Proxecto Socheo. Este tipo de lectura é a que se ten que dar nun arquivo como proxecto socheo. Ver dintintas imaxes de distintos tempos e ver as diferencias e similitudes. En definitiva, ver, con nitidez, o paso do tempo.
Final do Desfile das Festas do Monte (1976), por José Quintas
Nova gravación das Festas do Monte da Guarda e novas imaxes de José Quintas Núñez. Trátase dunha perspectiva no porto no final do Desfile, aló polo 1976.
José Quintas Núñez fixo unha serie filmes a finais da década dos 70. A parte de recoller escenas familiares tamén estivo atento a recoller costumes e paisaxes daquela altura.
A Banda Negra no desfile da Festa do Monte (1998)
Vídeo da Banda Negra rematando o desfile do sábado na Festa do Monte no ano 1998, preto xa do Porto guardés. A Banda Negra, a máis antiga, e a que desfila tradicionalmente como primeira de entre as bandas mariñeiras.
Xa que as Festas do Monte 2014 se aproximan, dende o Proxecto Socheo recomendamos o visionado dos nosos arquivos sobre a celebración.
TEMPORAL NA GUARDA (c. ANOS 70)
Filmación dun temporal que boureou ao porto da Guarda a comezos da década dos anos 70.
IMAXES DA GUARDA (c. ANOS 60)
Pois iso, imaxes da Guarda nos anos 60. O Monte, o Porto, as Cachadas…