“Remando hacia la élite”

“Remando hacia la élite” é un documental sobre o seguimento deportivo de remeiros galegos no centro de tecnificación deportiva de Pontevedra e onde hai varios remeiros da Guarda, do C.R. Robaleira.

 

Homenaxe ao Club de Remo Robaleira da Guarda

Vídeo-clip feito sobre o himno do C. R. Robaleira. Unha canción composta por Anxo Baz e interpretada polo cantautor guardés Tino Baz co gallo da celebración do 25 aniversario da súa fundación (1989-2014). As imaxes foron recollidas de vídeos colgados en Youtube polo que agradecemos a todos os seus autores. Un documentos que axudaron e moito en facer un sentido homenaxe á traxectoria desta institución deportiva guardesa.

Parabéns Robaleira!

 

Advertisement

ROBALEIRA NO CAMPIONATO GALEGO DE BATEIS NA CORUÑA (2000)

Máis imaxes de arquivo de deporte. O Clube de Remo Robaleira da Guarda participando no Campionato de Bateis de Galicia do ano 2000 celebrado o 23 de abril na Coruña.

Paso da Vuelta Ciclista a España pola Guarda (2013)

Novo vídeo de deportes no Proxecto Socheo. O domingo 25 de agosto de 2013 a Vuelta Ciclista a España pasaba pola Guarda. A etapa saía de Pontevedra e remataba no Alto da Groba e constaba de 177 km.

 

RALLY RÍAS BAIXAS (1978)

Filmación duns tramos dunha etapa do Rally Rías Baixas de 1978. José Quintas Núñez fixo unha serie filmes a finais da década dos 70. A parte de recoller escenas familiares tamén estivo atento a recoller costumes e paisaxes daquela altura.

AUTOCROSS NO VISO (1988)

Autocróss no Viso o 29 de maio de 1988, se nos fiamos do chivato da cámara. Este vídeo de deportes é un dos máis vistos no canle de youtube do Proxecto Socheo.

ROBALEIRA NO CAMPIONATO DE BATEIS NA POBRA DO CARAMIÑAL (2002)

Programa deportivo da Galega que daban conta do XVII CampIonato galego de bateis na Pobra do Caramiñal onde o Clube de Remo Robaleira tivo un destacadísimo resultado.

X CAMPIONATO IBÉRICO DUATLÓN DO BAIXO MIÑO (2000)

Fragmento do programa A revista da TVG onde se recolle unha conexión en directo para dar conta do X Campionato Ibérico Duatlón do Baixo Miño.

Balonmán: Guardés-Tirso de Molina (1985)

Estamos no Pavillón Municipal da Sangriña, é o 5 de maio de 1985 e xógase a fase de ascenso á segunda división nacional de balonmán (se lle facemos caso ao locutor da gravación), Xogan o Atlético Guardés e o Tirso de Molina. Media vila, nas gradas.

Balonmán: Atl. Guardés – Goleta Pub (Lugo)

O balonmán é un deporte con moita tradición na Guarda. Aquí preséntase (integramente) unha das primeiras retransmisións en directo dun partido no pavillón da Sangriña. Nel enfróntanse o Atlético Guardés e o Goleta Pub de Lugo no que parece ser un encontro amistoso pertencente a algún torneo preparatorio para a liga.