Nesta listaxe de reprodución podemos ver todos os filmes de Proxecto Socheo que abordan o Día do Señor (tamén chamado Santísimo ou Corpus) existe a tradición de decorar o chan das rúas por onde pasa a procesión con alfombras florais. Podemos ver filmes desde inicios da década dos 80 ate finais dos 90, imaxes en super8, en vídeo e reportaxes da televisión.
Filme caseiro de J. A. Uris onde se recollen imaxes desde as cimas do Monte Trega. Desde estas posicións privilexiadas o camarógrafo fixa a súa atención na paisaxe e nos distintos espazos que con figuaran os puntos máis altos do Monte Trega.
Filme familiar de J.A. Uris onde recolle a visita dos xigantes e cabezudos da Festa do Monte á Praza da Guía.
Imaxes do “Día do Señor” na Guarda que vén sendo a celebración relixiosa do Corpus. A película foi feita por J. A. Uris no ano 1980 e recolle a tradición de facer alfombras florais polas rúas da Guarda para que pase a procesión.
Imaxes espectaculares dunha filmación dunha xornada de pesca con rediñas. Xente da Guarda embarcada nunha gamela disponse alar unhas caseas de rediñas que estaban nas proximidades da costa, entre a boca do porto e As Loucenzas. Dentro do proceso de pesca vemos como empregan un rodillo de proa para alar as redes. Despois de facer unha selección do peixe dirinxense a porto cunhas fermosas imaxes da Guarda desde unha perspectiva pouco usual e tamén na Ribeira clarexando as redes. Este filme pódese ver gracias á colaboración con Proxecto Socheo de Jose Antonio Uris Guisantes.
Este película foi filmada na festa de Fin de Curso do Colexio M.R.Sinde en xullo de 1980. A Asociación de Pais non tiña onde poder celebralo e alugáronse uns autobuses de ATSA para levar os alumnos. Foi unha experiencia que non se volveu a repetir. O lugar de actividades foi o Campo de Chans, instalación deportiva que o Concello da Guarda ten nas faldas do Monte Santa Trega pola banda de Camposancos. Nestas imaxes vese o público congregándose nas gradas e no campo de terra do campo de fútbol e teñen lugar distintos bailes e xogos de carácter familiar.
Imaxes dunha mataza de porco dun modo tradicional. As familias da Guarda simultaneaban a pesca coa agricultura e, ademáis, tamén tiñan animais onde sobre todo dominaban as cabezas porcinas xa que aportaban abondosa carne para diversificar a alimentación. O matarife chegaba á casa, a familia arrumbaba o cocho nun banco se lle clavaba un coitelo debaixo dunha pata. Tras desangralo se queimaba, limpábase e posteriormente se descuartizaba intentando aproveitar o máximo todo o corpo do animal.
Proxecto Socheo 