Arquivo da categoría: Socheo Educativo

FOTOS DO COMO SE FIXO A HOMENAXE A MANOEL DE OLIVEIRA

Imaxe dos distintos procesos de realización do vídeo homenaxe a Manoel de Oliveira.
Primeiro afondouse na súa figura e obra, despois deseñouse o que facer e, finalmente, a rodaxe.

As alumnas e alumnos de Socheo Educativo recordaron así a un dos maiores creadores cinematográficos do mundo que estudou nas proximidades da súa escola fai case un século (1919-1923)

EI, LUMIÈRE… XOGAS?

Co obxectivo de captar unha escena cotiá, Iago Álvarez leva a súa cámara á taberna/tenda do Galo e alí filma unha partida de cartas. Por unha banda esta peza supón unha interesante releitura daquela outra partida filmada polos Lumière (http://youtu.be/DeVaPwgJiu4) que os estudantes tiveron ocasion de ver en clase. Por outra, constitúe un valioso documento desde o interior deste histórico establecemento, unha das últimas tabernas (das moitas que chegou a haber por todos os barrios) que continúan funcionando na Guarda. Outra entrada de Socheo Educativo.

DE BISSAU Á PASAXE – de Ricardo Dorado

Nova entrega de Socheo Educativo…

O alumno Ricardo Dorado conseguiu filmar o momento en que o barco “Orca”, con bandeira da Guiné-Bissau, era remolcado polo río Miño nas proximidades da Pasaxe, en Camposancos.

Exercicio II – Minutos Lumière

Tras un sinxelo achegamento teórico ao papel da imaxe e das súas representacións ao longo da historia, detivémonos no xurdimento do cinema a finais do século XIX. Despois de visionar e comentar as primeiras obras filmadas polos Lumière propuxemos que o alumnado realizase, usando os aparellos que tivesen a man (mobiles ou cámaras), unha gravación cun plano fixo de aproximadamente un minuto. Así como fixeron os irmáns franceses, os estudantes capturarán nestas pezas anacos da sua propia cotidianidade: xente, espazos, paisaxe, etc.

Lembranzas da miña primeira escola – Jeanette Conde

Socheo Educativo

A alumna Jeanette Conde ofrécenos unha perspectiva do seu barrio en Camposancos. O seu ollar saudoso detense no edificio e no patio que, ata hai poucos anos, albergaba a Escola Infantil “A Poza”, na que ela mesma comezou a sua andaina escolar.

Exercicio II – MINUTO LUMIÈRE

Tras un sinxelo achegamento teórico ao papel da imaxe e das súas representacións ao longo da historia, detivémonos no xurdimento do cinema a finais do século XIX. Despois de visionar e comentar as primeiras obras filmadas polos Lumière propuxemos que o alumnado realizase, usando os aparellos que tivesen a man (mobiles ou cámaras), unha gravación cun plano fixo de aproximadamente un minuto. Así como fixeron os irmáns franceses, os estudantes capturarán nestas pezas anacos da sua propia cotidianidade: xente, espazos, paisaxe, etc.

PLANOS CINEMATOGRÁFICOS (SEGUNDO O SEU TAMAÑO)

SOCHEO EDUCATIVO

Exercicio I – Planos cinematográficos (segundo o seu tamaño).
Con este exercicio práctico completamos unha primeira aproximación aos máis importantes planos cinematográficos. Despois dunha breve abordaxe teórica sobre as súas características e funcionalidades, cada estudante gravou varias tomas atendendo ao encuadre propio de cada tipo de plano.