Arquivo da categoría: Manoel de Oliveira

MANOEL DE OLIVEIRA CITA A GUARDA NA CINEMATECA FRANCESA (2008)

Extracto da conversa que tivo Manoel de Oliveira con Antonio Tabucchi na Cinemateca Francesa de París no ano 2008. Neste fragmento fala da súa educación católica e concretamente da súa entancia no colexio xesíta da Pasaxe.

MANOEL DE OLIVEIRA LEMBRA A GUARDA NO SEU ÚLTIMO FILME

Imaxes do último filme de Manoel de Oliveira: Visita ou Memória e Confissões (1982/2015). Momentos testamentarios no que o cineasta lembra a súa estancia no Colexio da Pasaxe. Para cando unha rúa ou un auditorio co seu nome na Guarda?

FOTO DE MANOEL DE OLIVEIRA NO COLEXIO DE CAMPOSANCOS

O pasado luns, 4 de abril, no Porto, no Teatro Rivoli estreouse o filme póstumo de Manoel de Oliveira Visita ou memórias e confissões que fixo en 1981 e que ficou gardado na Cinemateca Portuguesa en Lisboa até despois da súa morte. Este filme é reflexivo sobre o cinema e sobre a súa biografía. Cando fala sobre a súa vida Oliveira fai referencia a súa estadía na Guarda. Este filme proxectarase nos próximos días no prestixioso Festival de Cannes.

Proxecto Socheo recupera unha foto onde se ve a Manoel de Oliveira cando estudaba no Colexio da Pasaxe. É o primeiro sentado comezando pola dereita.
20150504_153450

FOTOS DO COMO SE FIXO A HOMENAXE A MANOEL DE OLIVEIRA

Imaxe dos distintos procesos de realización do vídeo homenaxe a Manoel de Oliveira.
Primeiro afondouse na súa figura e obra, despois deseñouse o que facer e, finalmente, a rodaxe.

As alumnas e alumnos de Socheo Educativo recordaron así a un dos maiores creadores cinematográficos do mundo que estudou nas proximidades da súa escola fai case un século (1919-1923)

HOMENAXE DO IES A SANGRIÑA A MANOEL DE OLIVEIRA

As alumnas e alumnos do Socheo Educativo, grupo de reflexión e creación audiovisual dos I.E.S. A Sangriña da Guarda (Galiza), fixeron un vídeo homenaxe ao grande mestre do cinema Manoel de Oliveira. O director portugués finou o pasado 2 de abril na súa casa do Porto aos 106 anos de idade.

A nova da súa morte foi transmitida aos alumnos que serviu para ampliar o coñecemento sobre tan insigne creador. Repasouse toda a súa vida, obra e concepción cinematográfica, mais o dato que máis lle chocou foi que estudara, fai case un século, a pouca distancia da súa escola.

Este dato biográfico foi o que motivou aos rapaces a facer este homenaxe urxente, o primeiro que se lle dedica desde o Concello da Guarda. Os rapaces escolleron a canción do Aniki Bobó (1941), o seu filme sobre o mundo da infancia, e gravaron o estado actual do colexio dos xesuítas da Pasaxe (Camposancos) onde Manoel de Oliveira estudou internado desde 1919 a 1923.